Þórey Sigþórsdóttir
Leikari og leikstjóri
Um Þórey
Þórey Sigþórsdóttir leikkona og leikstjóri er sjálfstætt starfandi í leiklistinni ásamt því að sinna stöðu fagstjóra í leiklist og rödd við Kvikmyndaskóla Íslands. Þórey vinnur jöfnum höndum sem skapandi listamaður og kennari í leiklist og rödd. Hún heldur reglulega námskeið og tekur fólk í einkatíma í fyrirlestratækni þar sem hún nýtir reynslu sína úr leiklistinni og sem kennari Nadine George Voice Work til að þjálfa einstaklinga og hópa í leiklist, fyrirlestrartækni og raddbeitingu.
Leikhús og kvikmyndir
Þórey hefur unnið sem leikkona við Borgarleikhúsið, Þjóðleikhúsið og með sjálfstæðum leikhópum.
Af leiksýningum má nefna The Gerpla Drive í leikstjórn Arn-Henrik Blomqvist kynningarstikla , “mammamamma” í leikstjórn Charlotte Böving og einleikinn „Ódó á gjaldbuxum” eftir Ásdísi Thoroddsen Ódóstikla1.
Hún hefur leikið í fjölmörgum útvarpsleikritum um tíðina, síðast má nefna leikritið „Ástand” eftir og í leikstjórn Ásdísar Thoroddsen 2011. Af kvikmyndav
Listræn stjórnun og framleiðsla
Árið 1998 stofnaði Þórey leikfélagið Fljúgandi Fiska sem listrænn stjórnandi þess leikhóps framleiddi hún tvær sýningar ásamt því að leika í þeim
„Hótel Heklu” eftir Anton Helga Jónsson og Lindu Vilhjálmsdóttur, leikstjórn Hlín Agnarsdóttir, og „Medeu” eftir Evrípídes, leikgerð fyrir multi-media sýningu eftir Þóreyju og Ingu Lísu Middleton, leikstjórn Hilmar Oddsson.
Leikstjórn sjónvarp og útvarp
Þórey leikstýrði verkinu Andaðu eftir Duncan Macmillan með þeim Heru Hilmarsdóttur og Þorvaldi Kristjáni Davíðssyni sem var frumsýnt í Iðnó í janúar 2017 og hlaut frábærar undirtektir áhorfenda. Þórey hefur unnið ýmis verkefni fyrir sjónvarp og kvikmyndir. Hún leikstýrði m.a. „Brotabrot” af íslenskum skáldum – leikin ljóð fyrir sjónvarp RÚV 1999 og „Lífshættu” fyrir Útvarpsleikhús RÚV.
Þórey var þáttastjórnandi „Pílunnar” skemmtiþáttur fyrir börn á RÚV ásamt Eiríki Guðmundssyni 1996-97. Þórey var með tónlistarþátt á útvarpsstöðinni „Stjörnunni” 1987.
Erlent samstarf og verkefnisstjórn
Í kjölfarið af námi sínu í CSSD í London 2012 er Þórey hluti af leikhópnum Head of a Woman sem hefur skapað tvo einþáttunga með aðferðum samsköpunar, sýndir m.a. í leikhúsinu Chelsea Theatre í London , Norðurpólnum Seltjarnarnesi og á leiklistarhátíð í Bratislava.
Þórey tók þátt í að þróa og leika í „The Gerpla Drive” leikstjóri Arn Henrik Blomqvist. „The Gerpla Drive” var leikið á ensku og sýnt í Mariehamn, Reykjavík, Þórshöfn, Hamri, Osló og Stokkhólmi 2013.
Leiksýningin Medea var samstarf milli leikfélagsins Fljúgandi fiska, leikfélags í Nottingham og leiklistarskólans í Tampere. Sýnt í Iðnó Rvík, ICA London og á Off-Tampere leiklistarhátíðinni í Tampere. Leiksýningin Hótel Hekla leikin á sænsku og íslensku, var samstarf milli Svenska Teater Åbo, Åbo, Teater Pero Stokkhólmi og Fljúgandi fiska og var styrkt af Norræna menningarsjóðnum 1998.
Árið 2014 var Þórey ráðin verkefnisstjóri “Ég get sjáðu mig” á vegum leikskólans Laufskála. Þetta er þróunarverkefni Laufskála og markmiðið er innleiða aðferðir leiklistarinnar í starfssemi Laufskála, annars vegar með því að mennta starfsfólk leikskólans til þess og hins vegar með samstarfi við listamenn. Verkefnið er innblásið af starfsemi „Starcatchers” í Edinborg http://www.starcatchers.org.uk/ og er unnið í samvinnu við framkvæmdatjóra þess Rhonu Mathiesen sem kom til landsins og hélt fyrirlestra í Laufskálum og Listaháskóla Íslands í tengslum við verkefnið. Samstarf er einnig hafið við Helgu Arnalds leikbrúðu og myndlistarkonu. „Ég get sjáðu mig” er styrkt af frá Þróunarsjóði skóla og frístundaráðs Reykjavíkur og Sprotasjóði.
Önnur verkefni
Þórey er viðurkenndur NGT raddþjálfari frá The Voice Studio International London. Hún kenndi raddþjálfun í fjögur ár við Leiklistardeild Listaháskóla Íslands, einnig hefur hún haldið mörg námskeið fyrir einstaklinga og fyrirtæki. Þórey hefur sótt margvísleg námskeið til að kynna sér ólíkar aðferðir í þjálfun leikarans, af því má nefna verkefnið Lear Landscapes í samvinnu við Lumparlab, Álandseyjum.